FIANGONANA PROTESTANTA MALAGASY ATY ANDAFY - FPMA
Église Protestante Malgache en France
FARITANY ATSIMO ANDREFANA Région Sud-Ouest
La Réunion - Toulouse – Clermont-Ferrand – Montpellier – Bordeaux – FM Pau
« Manaisotra ny zavatra rehetra manembatsembana ny hazakazaka,
mihazakazaka amin’ny faharetana, mijery an’i Jesoa »
«Rejeter tout ce qui alourdit notre marche, Courir avec persévérance, Regarder Jésus » (Hébreux 12,1-2)
FITANDREMANA LA RÉUNION 25 taona (2001 - 2026) Paroisse de La Réunion 25ème anniversaire
« Ho mandrakizay anie ny voninahitr’i Jehovah; aoka Jehovah hifaly amin’ny asany. »
Que la gloire de l'Éternel subsiste à jamais! Que l'Éternel se réjouisse de ses œuvres! (Salamo Psaumes 104.31)
**************************************************************************
Alahadin’ny Mpitandrina sy ny ankohonany Dimanche du Pasteur et de sa famille 1 Novambra novembre 2026,
église St Yves, Rue de Grenoble, Le Port à 9h30
FANDRAISANA Sainte Cène
Vavaka ho an’ny Faritany Afovoany Atsinanana - FAFATS Prière pour la Région Centre-Est
FPMA Arago - Évry Fitiavana - Yvelines Fahazavana – Fihobiana - Grands Champs –
Melun – Orléans – Vatofehizoro - Vincennes
Fiarahabana tsingerin-taona nahaterahana anniversaire mois d’octobre
AGAPE repas de partage
**************************************************************************
Teny hotorina Base de la prédication Hebreo Hébreux 13.17 (DIEM)
« Manoava an’ireo mpitarika anareo ara-pivavahana, ka maneke azy. Fa ireo no miambina hatrany ny fanahinareo, toy ny olona mbola hampamoahin’Andriamanitra ny amin’izany. Raha manoa ianareo, dia amin’ny hafaliana no hanaovan’ireo ny raharahany; fa raha tsy manoa ianareo, dia amin’ny fisentoana no hanaovany azy ka tsy hahasoa anareo izany. »
Obéissez à vos conducteurs et soumettez-vous à eux, car ils veillent sur votre âme en hommes qui devront rendre des comptes. Ils pourront ainsi le faire avec joie et non en soupirant, ce qui ne vous serait d’aucun avantage.
Lohahevitry ny fankalazana : MBA HO AMIN’NY FIFALIANA NO HANOMPOANY FA TSY AMIN’NY FISENTOANA
Thème de la célébration : Afin qu’ils servent avec joie et non en soupirant
Mitoriteny : Pastora RAZAKATIANA Nariniaina
**************************************************************************
Hira Cantique Hira Faneva 20 taona (Mitsangàna mihazavà lève-toi) fidiran’ny Mpanao raharaha Entrée des officiants [Mitsangana, l’Assemblée se lève]
Mitsangana Mihazavà
Tonga ny fahazavanao
Ny voninahitr'i Jehovah
Efa miposaka aminao
Refrain
Mitsangana Mihazavà
Tonga ny fahazavanao
Ny voninahitr'i Jehovah
Efa miposaka aminao
Mihobia sy mifalia
Roapolo taona ny FPMA
Manakoako ny hira vao
Ho avy lay mesia Jesoa Tomponay
Mijoroa sy mahereza
Amin'ny asa misiona zay miandry anao
Hitoetra hatrany ny fahazavany
Mba ho aminao ny fiadanana
Mpitarika (l’officiant) : Amin’ny anaran’ny Ray sy ny Zanaka ary ny Fanahy Masina
Fiangonana (l’assemblée) : Amena
Teny fandraisana sy fiarahabana accueil et salutation
FIARAHABANA APOSTOLIKA (Salutation apostolique) :
« Ho an’izay rehetra malalan’Andriamanitra sady voantso no masina : Ho aminareo rehetra anie ny fahasoavana sy ny fiadanana avy amin’Andriamanitra Raintsika sy Jesoa Kristy Tompo » à tous ceux qui sont bien-aimés de Dieu, appelés à être saints : que la grâce et la paix vous soient données de la part de Dieu notre Père et du Seigneur Jésus Christ! (Romana Romains 1,7)
FIDERANA AN’ANDRIAMANITRA Louange Salamo Psaumes 24 : 1-5
« An’i Jehovah ny tany sy izay rehetra eo aminy. Izao rehetra izao sy ny mponina eo aminy. Fa Izy no nanorina azy tambonin’ny ranomasina. Tambonin’ny rano no nampitoerany azy. Iza no hiakatra any an-tendrombohitr’i Jehovah? Ary iza no hitoetra ao amin’ny fitoerany masina? Izay madio tànana sy mahitsy fo, Izay tsy manandratra ny fanahiny ho amin’ny lainga, na mianiana hamitaka. Handray fitahiana avy amin’i Jehovah izy. Ary fahamarinana avy amin’Andriamanitry ny famonjena azy. Amena. » C’est à l’Éternel qu’appartient la terre avec tout ce qu’elle contient le monde avec tous ceux qui l’habitent, car il l’a fondée sur les mers et affermie sur les fleuves. Qui pourra monter à la montagne de l’Éternel? Qui pourra se tenir dans son lieu saint? Celui qui a les mains innocentes et le cœur pur, celui qui ne se livre pas au mensonge et qui ne fait pas de serments trompeurs. Il obtiendra la bénédiction de l’Éternel, la justice du Dieu de son salut. Amen!
Hira Cantique FF 11 (Faly aho louange et joie)
Faly aho raha hoy izy ireo tamiko
“Handeha isika ho any an-tranon’I Jehovah,
Ny tongotray efa mijoro
Ao anatin’ny vavahadinao
Ry Jerosalema, ry Jerosalema.
Dia ianao ry Jerosalema,
Izay efa vita tahaka ny tanàna
Efa voalamina tsara.
Any no hiakaran’ny firenena,
Ny firenen’I Jehovah,
Mba hisaotra ny Anarany
Mba hisaotra ny Anarany
Mba hisaotra ny Anaran’i Jehovah.”
VAVAKA FIHAONANA (prière) [Mipetraka, l’Assemblée s’assoie après la prière]
Feon-kira fohy Musique
Fahanginana Silence
Hira Cantique 445 : 3 (He manolo-tena aho me voici Seigneur)
3. He manolo-tena aho,
Ho Anao, ry Tompo soa!
Ka ny heloko rehetra
Mba sasaonao avokoa.
Enga ka omenao ahy
Fo madio sy vaovao,
Mba hahaizako manefa
‘Zay rehetra sitrakao!
SITRAPON’ANDRIAMANITRA Volontés de Dieu
Mpitarika (l’officiant) : « Mangataka aminareo izahay, ry havana, mba hanaja izay mikely aina eo anivonareo, dia izay voatendrin’ny Tompo hitarika sy hananatra anareo. Fankatoavana be dia be ombàm-pitiavana no asehoy azy ireo, noho ny asa tontosainy. Mihavàna tsara ianareo samy ianareo. Nous vous demandons, frères et sœurs, de reconnaître ceux qui travaillent parmi vous, qui vous dirigent dans le Seigneur et qui vous avertissent. Ayez beaucoup d’estime et d’amour pour eux à cause de leur travail. Soyez en paix entre vous. (1 Tesaloniana Thessaloniciens 5 : 12-13) Amena (Hiraina chanté)
FIAIKEN-KELOKA SY FIFONANA Confession des péchés
Fiangonana (l’assemblée) : « Ry Rainay be famindram-po ô, mitalaho aminao izahay; mamelà ny helokay; Diovy izahay ho afa-pahotana; sasao izahay ho afa-keloka; ary havaozy ny fanahinay mba ho vonon-kanompo Anao. ny fitiavan’i Jesoa Kristy Zanakao Mpamonjy anay no angatahanay Aminao. Amena. »
HIRA FIFONANA Cantique de confession des péchés :
Ry Andriamanitra Tompo Ray any an-danitra ô, mamindra fo aminay!
Ry Jesosy Tompo Mpamonjy izao tontolo izao, mamindrà fo aminay!
Ry Fanahy Masina Tomponay Mpampionona ô, mamindrà fo aminay!
TENY FAMELAN-KELOKA SY FIHAVANANA Annonces de la rémission des péchés [Mitsangana l’Assemblée se lève]
Mpitarika (l’officiant) : Ry havana, henoy ka raiso ny teny famelan-keloka avy amin’ny Tompo :
« Izao no nanehoana ny fitiavan'Andriamanitra antsika : Andriamanitra naniraka ny Zanani-lahy Tokana tamin'izao tontolo izao, mba hahavelona antsika amin'ny alalany. Izao no fitiavana : tsy ny nitiavantsika an'Andriamanitra fa ny nitiavany antsika, ka nirahiny ny Zanany ho avotra noho ny fahotantsika. »
VOAVELA NY HELOKAREO NOHO NY ANARANY MASINA ! MIDERA AN'ANDRIAMANITRA
Voici comment Dieu a manifesté son amour pour nous: il a envoyé son Fils unique dans le monde, afin que nous ayons la vraie vie par lui. Et l'amour consiste en ceci : ce n'est pas nous qui avons aimé Dieu, mais c'est lui qui nous a aimés; il a envoyé son Fils qui s'est offert en sacrifice pour le pardon de nos péchés (1 Jaona Jean 4.9-10) PAR SON SAINT NOM, VOS PÉCHÉS SONT PARDONNES LOUEZ DIEU!
Fiangonana (l’assemblée) : "Fa toy izao no nitiavan’Andriamanitra izao tontolo izao, nomeny ny Zanany Lahitokana mba tsy ho very izay rehetra mino Azy, fa hanana fiainana mandrakizay" (Jaona Jean 3 : 16)
Hira Cantique 283 : 1,2 (Manan-jara ry Jesosy mon ministère)
1. Manan-jara ry Jesosy !
Ny mpanomponao,
‘Zay natokanao hitondra
Ny Anaranao;
Nofidianao ho mpitory
Ny fitiavanao,
Nitokianao ho mpamory
Ny vahoakanao.
2. Izao no zara-fanompoako
Voatendrinao,
Ka ny mafy tsy ahoako
Hahefako izao;
Tsy hadosi-pahoriana
Ny mpiasanao,
Fa ny hazo fijaliana
Lova taminao.
FANKALAZANA Louange (Hiraina chanté)
Mpitarika (l’officiant) : Voninahitra any amin’ny Avo indrindra ho an’Andriamanitra
Fiangonana (l’assemblée) : Ary fiadanana ho ety ambonin’ny tany amin’ny olona ankasitrahany.
Hiran’ny ankizy sy ny tanora 760 : 1,4 (Aza mba manadino n’oubliez pas vos parents et ceux qui vous dirigent) tous les enfants et les jeunes se lèvent pour chanter
1. Aza mba manadino ny ray sy reninao;
Fa izy no nitaiza sy nanasoa anao;
Ka no aiza na aiza aleha an-tany lavitra,
Aza mba manadino ny ray sy reninao;
Tsara izay! Tsara izay!
Eny, tsy ho hadinonay
Ny ray sy reninay.
4. Aza mba manadino ny fivavahanao,
Ataovy isan’andro mba hamonjena anao;
Mpitondra, ray sy reny ny tany, tena koa,
Aza mba manadino ny fivavahanao:
Tsara izay! Tsara izay!
Eny, tsy ho hadinonay
Ny fivavahanay.
TORITENY amin’ny teny frantsay (quelques minutes de méditation en français)
FAMAKIANA NY TENIN’ANDRIAMANITRA Lectures bibliques
Hira Cantique 201 : 1 (Midina Tomponay Viens Seigneur)
1. Midina, Tomponay !
Ampionao izahay
Hidera Anao
Ray soa tia anay,
Hery sy tanjakay
Zay hotompoinay
:,: Mandrakizay :,:
Mpitarika (l’officiant) : Ho aminareo anie ny Tompo! (Hiraina chanté) [Mitsangana - l’Assemblée se lève]
Fiangonana (l’assemblée) : Ary ho amin’ny fanahinao!
Vavaka hampahazava ny Teny Prière d’illumination
SORATRA MASINA Écritures saintes :
- Malakia Malachie 2.1-10
- Hebreo Hébreux 13.15-17
Hira Cantique 201 : 3 (Fanahy Masina ô Esprit d’illumination)
3. Fanahy Masina ô!
Tariho izahay
Hanaiky ‘zao
Mahery Ianao
Ny fonay anjakao
Aza ilaozanao
:,: Mpananatra ô :,:
- Matio Matthieu 23.1-12 [Mitsangana, l’Assemblée se lève]
Hira Cantique Isaorana anie ny Tompo noho ny Filazantsara. (Hiraina chanté)
FANEKEM-PINOANA APOSTOLIKA (Symbole des Apôtres) [Mitsangana, l’Assemblée se lève] :
|
Mino an' Andriamanitra Ray Tsitoha Mpanao ny lanitra sy ny tany aho. ary mino an' i Jesoa Kristy Zananilahy Tokana Tompontsika, Izay notorontoronina tamin'ny Fanahy Masina, naterak' I Maria Virjina, nijaly raha nanapaka Pontio Pilato, |
Je crois en Dieu, le Père tout-puissant, Créateur du ciel et de la terre. Je crois en Jésus-Christ, son Fils unique, Notre Seigneur, Qui a été conçu du Saint-Esprit et Qui est né de la Vierge Marie. Il a souffert sous Ponce Pilate, Il a été crucifié, Il est mort, Il a été enseveli, Il est descendu aux enfers. Le troisième jour, Il est ressuscité des morts; Il est monté au ciel; Il siège à la droite de Dieu. |
Hira Cantique 288 : 1,4 (Feo 283 Sambatra izay voafidy Heureux ceux qui sont choisis par le Seigneur)
1. Sambatra izay voafidy
Ho mpiasanao
Ka hanohy ireo adidy
‘Zay natombokao,
Ho mpitaiza ny fanahy
Toy ny vitanao
Ho mpiady tena sahy
Tarikao Jeso.
4. Nefa tsy matoky tena
Fa malemy moa,
Ka dia mila fahendrena
Mila hery koa;
Ho mpiasa mahavita
‘Zay anjara ety,
Mandra-pody ao am-pita
Aminao ary.
TORITENY Prédication
RAISO NY FITAHIANA Recevez cette bénédiction [Mitsangana L’assemblée se lève]
Zava-maneno Musique
Hira Sampana Antoko Mpihira chant de la chorale
FILAZAN-DRAHARAHA Annonces
Hira Cantique 20 : 1,2 (Tsaroanay tokoa tes bienfaits)
1. Tsaroanay tokoa izao
Ny soa be noraisinay
Tsy tapaka avy taminao,
Ry Andriananaharinay !
2. Ny lasa itodihana
Dia mampiseho avokoa
Ny tanam-pitiavana
Miahy sady manasoa !
Fiarahabana tsingerin-taona nahaterahana (anniversaire mois d’octobre)
RAKITRA Offrandes Hira Cantique FF 33 (Inty aho Jesoa me voici Jésus), 298 (Aina no fetra jusqu’au bout, je te suivrai Seigneur)
1. Inty aho Jesoa !
Miantso ahy Hianao
Na dia tsy mendrika e
Manolo-tena izao
Hianao no nifidy
Tsy haiko ny handà
‘Ty antso sarobidy
Ry Tompo, mamelà
Ny heloko rehetra
Diovy aho, havaozy
Ho olom-baovao
Hanao ny sitrakao
Ho mendrika tokoa
Ny antsonao Jesoa.
2. Inty aho Jeso miantso ahy Hianao
Ny fahalemeko anie
Ry Tompo fantatrao
Hianao no nifidy
Sy maniraka ahy
Avy Aminao Jesoa
Ny herin’ny fanahy
Ho entiko manao
Ny asa atolotrao
Fa sarotra e ny dia
Ry Tompo manampia
Ho mendrika tokoa
Ny antsonao Jesoa
3. Inty aho Jesoa
Miantso ahy Hianao
Mba ho fahazavan’
Izao tontolo izao
Hianao no nifidy ahy
Ho fanasina
Hanefa ny adidy
Lehibe sy masina
Koa hamasino, Tompo
Fa vonona aho hanompo
Hombay ny herinao
Hitondra aim-baovao
Ho mendrika tokoa
Ny antsonao Jesoa
Fanolorana Hira Cantique 440 : 1,3 (Ry Kristy ô Mpanjakako Christ mon Roi)
1. Ry Kristy ô, Mpanjakako!
Ny foko ho Anao,
Ny feoko hasandratro
Hihira ho Anao.
3. Ny tongotro, ny tanako,
Hiasa ho Anao;
ny androko, ny volako,
Omeko ho Anao.
ALAHADIN’NY MPITANDRINA SY NY ANKOHONANY Dimanche du Pasteur et de sa famille
FANASAN’NY TOMPO Sainte Cène
Manasa antsika rehetra sy izay vahiny avy amin’ny Fiangonana hafa efa Mpandray ka vonona am-panahy hiara-miombona amin’izao Fanasana Masina izao Nous invitons les membres communiants des autres confessions disposés à communier avec nous
Hira fiomanana amin'ny Fanasan'ny Tompo cantique préparant la Sainte Cène 254 : 1,2 (Avia ry mangetaheta ô Approchez vous tous qui ont soif!)
1. Avia, ry mangetaheta ô,
Ka aza dia mba mamoy fo
Fa indro misy rano velona
Izay omena mba hamelona
Anao mahantra sy variana,
Ry zanak’ondry very làlana !
2. Ny mofon’aina no atolony
Anao manaiky mba ho olony,
Ny tenany no ho fihinana
Mba hahazoana fiainana,
Kanefa tsy mba hovidiana anie
Fa tena fanomezan-dehibe !
Mpitarika (l’officiant) : Ho aminareo anie ny fiadanan'ny Tompo. Aoka hifampizara ny fiadanana isika. Mifampizara ny fiadanana ny Fiangonana ka mifanao hoe : “Ho aminao anie ny fiadanana”
FANANDRATANA Sursum corda
Mpitarika (l’officiant) : Asandrato ny fonareo ho eo amin'ny Tompo
Fiangonana (l’assemblée) : Asandratray ny fonay ho eo amin’ny Tompo
Mpitarika (l’officiant) : Aoka ho deraintsika ny Tompo Andriamanitra
Fiangonana (l’assemblée) : Mendrika ho deraina Izy
VAVAKA FANOMBOHANA - Préface
Mpitarika (l’officiant) : Eny tokoa, Ray Masina, Andriamanitra mandrakizay, mahefa ny zavatra rehetra ! Mety sy mahavonjy ny hisaoranay Anao amin’ny fotoana rehetra sy amin’ny toerana rehetra amin’ny alalan’i Jesoa Kristy Tomponay, Izay tia anay sy nanolo-tena hamonjy anay. Amin’ny alalany koa no hideran’ny anjely ny fiandriananao sy hitsaohan’ny fanapahana rehetra Anao amin’ny tahotra, ary iarahan’ny fiangonana any an-danitra sy ety an-tany midera ny anaranao amin’ny fihobiana. Izahay koa ankehitriny miara-manandratra ny feonay amin’izy ireo, ka amin’ny fanajana lehibe no hideranay hoe :
Antema 1 : Masina, masina, masina, Jehovah Tompo ! Feno ny voninahitrao izao rehetra izao, ry Tompo ô. Amena. – Sanctus –
Teny fanorenana Paroles d'institution
Mpitarika (l’officiant) : Jesoa Kristy Tompontsika, tamin'ny alina izay namadihana Azy dia nandray ny mofo, ary rehefa nisaotra Izy dia novakiany ka hoy Izy : « Raiso, hano, ity no Tenako Izay omena ho anareo, izao no ataovy ho fahatsiarovana Ahy. » Ary toy izany koa ny kapoaka, rehefa nihinana dia hoy Izy : « Misotroa amin'ity ianareo rehetra, fa ity no Ràko, dia ny amin'ny fanekena vaovao, izay alatsaka ho an'ny rehetra ho famelan-keloka. Koa na oviana na oviana no misotro ianareo dia izao no ataovy ho fahatsiarovana Ahy. »
Vavaka - Anamnèse [Mipetraka, l’assemblée s’assoit]
Mpitarika (l’officiant) : Ry kristiana malala, aoka isika hahatsiaro an'i Jesoa Kristy Izay maty nisolo antsika sy nitsangana ho fanamarinana antsika, dia fanati-pihavanana natolotr'Andriamanitra antsika, ary aoka isika hiara-misaotra sy hivavaka :
Mpitarika (l’officiant) : Misaotra Anao izahay Andriamanitra Rainay, Tompon'ny lanitra sy ny tany fa noho ny famindramponao aminay mpanota mahantra, dia nomenao ny Zanakao Lahitokana, mba tsy ho very izay rehetra mino Azy, fa hanana fiainana mandrakizay. Rainay any an-danitra ô, indreto izahay manao eto anatrehanao ny fahatsiarovana ny fahatongavan'ny Zanakao ho olona, ny fijaliany sy ny fahafatesany, ny fitsanganany tamin'ny maty ary ny fifonany mandrakizay ho anay, ka miandry sy mitalaho ny fiverenany izahay.
Fahanginana... silence
Epiclèse
Mpitarika (l’officiant) : Ankehitriny Ray ô, aidino ny Fanahy Masina mba hameno ny fonay, ka handraisanay tokoa ny Tomponay amin'ny finoana velona, amin'izao Izy manatona anay amin'ny alalan'izao fanasana izao.
Fiangonana (l’assemblée) : Ry Jesoa Kristy Tompo ô, izahay izay tonga eto anatrehanao hiombona amin'ny latabatrao masina dia mangataka mba hampiraisinao aminao, ohatry ny sampana amin'ny voaloboka. Ampianaro hifankatia tahaka ny nitiavanao anay izahay. Ary aoka izahay hiara-manana amin'ny fiangonana masina manontolo ny fiononana sy ny fifaliana aminao. Amen.
Hira cantique 117 (Ô ry Zanakondry, L'Agneau de Dieu)
1. O, ry Zanak’ondry,
He, Ianao nijaly !
Ory, voahombo
Anefa tsy namaly !
Ny helokay nalainao,
Ka maty re ny ainao !
(2) Mba iantrao izahay, ry Jeso !
3.O, ry Zanak’ondry,
He, Ianao nijaly !
Ory voahombo
Anefa tsy namaly !
Ny helokay nalainao
Ka maty re ny ainao !
Ampiadanonao izahay re !
Mpitarika (l’officiant) : Efa nandray ny Fanahy maha-zanak’Andriamanitra antsika isika, koa izany no hahafahantsika manatona ny Ray hoe Rainay izay any an-danitra
Famakiana ny mofo sy fanandratana ny kapoaka - fraction du pain et élévation de la coupe
Mpitarika (l’officiant) : Ny mofo izay vakintsika dia firaisana amin’ny Tenan’i Jesoa Kristy Tompontsika izay nomena ho antsika. Ny kapoaky ny fisaorana izay isaorantsika dia firaisana amin’ny ran’i Jesoa Kristy Tompontsika izay nalatsaka ho an’ny maro ho famelan-keloka.
Fanasana - invitation –
Mpitarika (l’officiant) : Hoy ny Tompo, avia, fa efa voavoatra avokoa ny zavatra rehetra
Hira Cantiques Fizarana mofo sy kapoaka distribution : 107 (Maniry mafy aho mon souhait le plus profond), 109
107 – Maniry mafy aho
1. Maniry mafy aho, ry Jeso Tompo ô,
Hialoka eo ambany hazo fijalianao ;
Tsy misy toeran-kafa re ‘zay tena mamiko,
Ny hazo fijalianao no fiarovako !
2. Ny hazo fijalianao no itazanako
Ny tenanao izay nijaly mba ho avotro,
Ka dia kotsan-dranomasom-pitiavana
Ny tavako, ry Tompo ô, fa afa-keloka !
3. Am-pototry ny hazo izay nijalianao
No itoerako ho hazavain’ny tavanao ;
Ataoko fatiatoka ny zava-mora lo,
Ny hazo-fijalianao no tombon-dahiko !
109 – Nahafoy ny aiko Aho
1. Nahafoy ny aiko Aho
Hanavotako anao.
Ka nalatsako ny rako,
Nisoloako anao.
He! ny aiko no nomeko
Ry mpanota very e!
Aiza izay afoinao re
Mba ho Ahy Tomponao?
2. Lapan-dRaiko ao ambony,
Voninahi-dehibe,
No nilaozako hamonjy
Sy hanafa-doza anao,
‘Zay voafitaky satana
Sy nozoin-doza be;
Aiza izay afoinao re
Mba ho Ahy Tomponao?
3. Soa be sy mahagaga
No natolotro anao,
Famonjena tsy vidina,
Famelana ny otanao,
Fitiavan-tsy voafetra,
Lova ao an-danitra ao;
Aiza izay afoinao re
Mba ho Ahy Tomponao?
4. Indro Tompo! Fa omeko
Ho Anao ny tenako,
Ka tsy misy izay tsy foiko
‘zay rehetra tianao;
Eso, latsa, tsy ahoako,
Fa ny ho mpanomponao
No ho zavatra kendreko,
Raiso re ny zanakao.
Fandraisana - Communion –
Mpitarika (l’officiant) : Hoy Jesoa Kristy Tompo : Raiso, hano, ity no tenako. Izao no ataovy ho fahatsiarovana Ahy. Hoy Jesoa Kristy Tompo : Sotroinareo rehetra ity, fa ity no rako, dia ny amin’ny Fanekena vaovao izay alatsaka ho an’ny maro ho famelankeloka. Izao no ataovy ho fahatsiarovana Ahy.
Vavaka fisaorana iombonana : Salamo Psaumes 103.1
Misaora an’I Jehovah ry fanahiko ary izay rehetra ato anatiko misaora ny anaran’ny Masina
Misaora an’I Jehovah ry fanahiko ary aza misy hadinoinao ny fitahiany rehetra. Amena
TENY FAMPAHEREZANA Exhortation
Mpitarika (l’officiant) : Jesoa Kristy Tompontsika izay voahombo tamin’ny hazofijaliana ka nitsangana tamin’ny maty, no efa nanome ho anareo ny tenany sy ny rany izay nanavotany anareo tamin’ny fahotana rehetra. Izy anie no hampahery sy hiaro anareo amin’ny finoana marina ho fiainana mandrakizay. Ho aminareo anie ny fiadanana. Amena.
Hira Cantique 170 : 1 (Ry Jesoa ny fitiavanao ton amour Jésus)
1.Ry Jeso, ny fitiavanao
No ifalianay,
Fa voavono Ianao
Hisolo voina anay !
Fiv : Mba raisonao re
Ny saotra aterinay izao,
Ho fanajana
Anao Mpamonjy tia !
Fanangonana kapoaka sy RAKI-PISAORANA ramassage des verres et offrandes : Hira cantique 268 (Jesosy no Mpiandry ny fiangonanay Jésus est le Berger de notre église)
1. Jesosy no mpiandry
Ny fiangonanay !
Ny feon’Izy irery
No feo fantatray
Ka tsy mba vala maro
Ny Fiangonanay :
Iray tsy hay zaraina
Tapahin-Tompo iray !
2. Iray no vatolampy
Izay iorenanay,
Iray no fehizoro
izay ikambananay,
Iray no mofon’aina
Fihinanay ety,
Iray no antenaina
Ho azonay ary !
3. Tabain’ny hevi-diso
Kanefa mbola iray,
Ny saina tsy mitovy
Tsy mahazara anay !
Fisoko maromaro
Kanefa vala iray :
Ny Tompo no mpiaro
Ny fiangonanay !
4. Ny teny samy hafa,
Ny fomba tsy miray
Tsy misy maharava
Ny fikambananay !
Ny fanenjehana aza
Vao mainka mampiray
Sy mahatsara laza
Ny fiangonanay !
5.Ry Jeso hatanjaho
Ny fiangonanao ;
Ny fony halalaho
Mba hitoeranao !
Izay firaisan-tsaina
Miseho hatrety
Velomy hanan’aina
Hitohy hatrary !
VAVAKA FISAORANA SY FANGATAHANA Prières d’intercession
HAFATRA SY TSODRANO (Exhortation finale et bénédiction)
Mpitarika (l’officiant) : « Aoka ny loholona tsara fitondra ny Fiangonana handray valin-kasasarana avo roa heny, indrindra fa ireo mikely aina amin’ny fitorian-teny sy ny fampianarana. Fa hoy ny Soratra Masina hoe : « Aza akombona ny vavan’ny omby mively vary », ary koa hoe : « Mendrika hahazo ny karamany ny mpiasa. Amena. Que les anciens qui dirigent bien soient jugés dignes d’une double marque d’honneur, surtout ceux qui travaillent à la prédication et à l’enseignement. En effet, l’Écriture dit : Tu ne mettras pas de muselière au bœuf quand il foule le grain et : « L’ouvrier mérite son salaire » (1 Timoty Timothée 5 : 17-18)
Mpitarika (l’officiant) : Ho aminareo anie ny Tompo ! (Hiraina chanté)
Fiangonana (l’assemblée) : Ary ho amin’ny fanahinao
Mpitarika (l’officiant) : « Hitahy anareo anie ny Tompo ka hiaro anareo. Hampamirapiratra ny tavany aminareo anie ny Tompo ka hiantra anareo. Hanandratra ny tavany aminareo anie ny Tompo, ka hanome anareo ny fiadanana ». (Nomery Nombres 6 : 24-26)
Fiangonana (l’assemblée) : Amen! Haleloia! Amen!
Hira Cantique 530 (Fitiavana rano velona, Amour, eau vive)
1. Fitiavana rano velona,
Loharano lalina;
Ka miafina ao anatiny
Ny fiainan-danitra!
2. Fitiavana no nirahina
Avy tamin-Jehovah ;
O, mba raisonao, dia ho fantatrao
Ny fahasambarana.
3. Fitiavana didy tokana
Ary didy lehibe ;
Mitoera ao, hitoeranao
Amim-piadanam-be.
FANIRAHANA (Envoi)
Mpitarika (l’officiant) : Voninahitra ho an’Andriamanitra Ray sy Zanaka ary Fanahy Masina Izay hatramin’ny taloha indrindra sy ankehitriny ary ho mandrakizay. Amena. Mandehana amin’ny fiadanana ka manompoa ny Tompo.
Fiangonana (l’assemblée) : Isaorana anie Andriamanitra Rendons grâce à Dieu
Feon-java-maneno firavana (Postlude)
Le pasteur salue l'assemblée à la sortie
SAKAFO AGAPE repas de partage
Prochain culte : Dimanche 8 novembre 2026, tarihin’ny AMF, église de St Yves, Rue de Grenoble, Le Port à 9h30